حملة رمضان جديد
رمضان السنه دى أحلى رمضان فى حياتى
(رمضان السنه دى غير كل حياتى )
لازم تصلح نفسك
أصلاحات قبل رمضان :-
1 - أصلاح علاقتك بالله علشان ربنا يفتح عليك .
لازم تعرف أن فى خمس سنن فى فن معاملة
الله :-
1 – على قدر مقام الله عندك على قدر مقامك
عند الله
2 – من جعل همه هو الله كفاه الله هم كل شئ (أن الذين قالوا ربنا الله ثم استقاموا تتنزل عليهم الملائكة ألا تخافوا ولا تحزنوا و أبشروا بالجنة التى كنتم توعدون )فصلت 30
3 – لا تلتفت عن الله فيلتفت الله عنك ( لازم تعرف أن أول عقوبة تنزل بتنزل على القلب )
4 – لا تؤثر شيئا على الله فيعذبك الله به (لولا كتاب من الله سبق لمسكم فيما أخذتم عذاب عظيم ) الأنفال 68... ممكن يكون سبب راحتك يتبدل ويكون هو مصدر عذابك .
5 – لا تبدل فيبدل الله عليك ( فبدل الذين ظلموا قولا غير الذى قيل لهم فأنزلنا على الذين ظلموا رجزا من السماء بما كانوا يفسقون )البقرة 59 والعكس ممكن يحصل :(الا من تاب و اّمن وعمل صالحا فأولئك يبدل الله سيئاتهم حسنات وكان الله غفورا رحيما ) الفرقان 70
2 – أصلاح علاقتك بالقراّن :
وهنا عندنا مشروعين :
أول مشروع :مشروع الفائقين .ورد قراّن يومى فتتفوق فيه تفوقا . بمعنى خلى القراّن فى الشهرين دول حياتك ليل مع نهار متصل بالقراّن ، وردك لقراّة القراّن يتقسم لجزئين جزء بالنهار وجزء بالليل ، بعد كل صلاة ربع أو ربعين قراّن لكن ، خلى بالك أهم شئ الخشوع ، عايزين نربط قلبنا بالقراّن ، ونعيش مع القراّن .
المشروع الثانى :حضر وصلى اسمع وصلى اقرأ وصلى
لك ورد يومى ، جزء مثلا ، أما هتحضر هذا الجزء من المغرب للعشاء من أى سلسلة ولتكن السلسلة الطريق الى القراّن وبالمرة تاخد فى عليين وتصلى بيه بالليل ، أو تكتفى بسماعه من شيخك الذى يؤثر فيك أو تقرأه لكن ، مش هننسى الخشوع .
3 – أصلاح حال قلبك مع الله .
لازم تحافظ على كل عمل بتعمله مع الله ، أوعى تقول هعمل ومتعملش ، جه وقت الفعل )يا أيها الذين اّمنوا لم تقولون ما لا تفعلون ) الصف 2 وصدقنى لو لم تعمل قد يقل الايمان فى قلبك .
قواعد اتبعها عشان تصلح قلبك :
· وحد غذاء قلبك :(ما جعل الله لرجل من قلبين فى جوفه )
· فرغ قلبك من أى هم :انسى همومك .
· اعتبر قلبك منطقة عسكرية ، ما فيش حاجة ممكن تقرب ، وتذكر وانت بتقول اللهم نقنى من خطاياى كما ينقى الثوب الأبيض من الدنس .
· استئصل أى مرض فى خفايا قلبك الأن بدل ما يفاجئك بعد كدة .
4 – أصلاح الهمم و الهمة :
عارف قصة سيدنا عبد الله بن سلام – رضى الله عنه – جالس مع الصحابة وهم يقولون لو أنى أعلم أكثر ما يحبه الله لفعلته فنزلت '(يا أيها الذين اّمنوا لم تقولون ما لا تفعلون ) صدقنى كتير بيكلم وبيقول نفسى أعمل ونفسى اشتغل بس مش لاقى فرصة ، اصدق فى النية واعمل العمل اللى ميسر لك الأن ، أن شاء الله ، الله يحبه منك بس انت تعمل .
5 – أصلاح لياقتك الأيمانية وعزيمتك و استعدادك للمجاهدة :
* خليك جبل فى ثباتك .. فى عبوديتك لله .
* البطل بطل من أول موقف بيتعرض ليه .
* أوعى تفوت طاعة ممكن تعملها لله ، أوعى تترك مجال للسبق الى الله .
* قارن :كأنهم بنيان مرصوص ، وكانهم خشب مسندة .. الأول يصف المؤمنين ، والثانى يصف المنافقين .
* لازم تعرف أن على قدر سبقك الى لله على قدر عطاءات الله لك ، وتفوقك فى الدين .
* لازم تعرف أن الحل جواك ، أوعى تقف فى علاقتك مع الله ، كمل مهما حصل ، حتى لو وقعت قوم وواصل .
6 – أصلاح هدفك :
متقولش انا داخل الدين عشان عايز ، لأ أنت بتعمل للدين عشان تعطى ، الدين مش مجال للأخد فى الدنيا ومتقلش لو أخدت هرضى والا هبعد .. أصح هدفك لله .
7 – أصلاح البنية الأساسية لديك :
لازم تأسس نفسك صح ، تاسس هدفك صح ، خلى بالك أن أساس العمارة هو الى بتقوم عليه العمارة ، برغم أنه الجزء الوحيد الى محدش بيشوفه ،
عشان كدة اهتم بقلبك ، اهتم باصلاح الهدف بداخل قلبك ، ابدأ فى بناء نفسك ، خلى هدفك أكبر من مجرد خطوة هتعملها .
قواعد :
*(أنما المؤمنون الذين اّمنوا بالله ورسوله ثم لم يرتابوا وجاهدوا بأموالهم وأنفسهم فى سبيل الله أولئك هم الصادقون ) الحجرات 15
* اعرف أن الدين مراحل ، ولازم تحدد مرحلتك صح ، وعلى أساسها هتبدأ من أين .
*وعشان هو مراحل لازم تواظب عشان ترتفع من مرحلة للى فوقها .
قواعد جدول خطوة أولى التزام :
1 – التلبية الفورية فور سماع الاّذان ، وتذكر أن الحج مبنى على كلمة لبيك ، اقطع كل حاجة فى حياتك ، متقولش خمس دقائق وأقوم ، مش ربنا الذى يقال له استنى خمس دقائق وأجيلك ، خلى بالك أن الاّذانات الخمسة امتحانات لك ، يا ترى هتنجح وتلبى ولا لأ؟
2 – ورد القراّن .
3 – السنن الرواتب ..ممكن تضيع بيت فى الجنة .. ممكن تضيع ركعتا الفجر خير من الدنيا وما فيها
4 – صلاة الوتر ..
5 – ركعتى الضحى .
6 – أذكار الصباح والمساء .
7 – أذكار بعد الصلاة .
8 – الصيام ..الاثنين و الخميس ... وأيام 13 و 14 و 15 من الشهر العربى .
9 – سنة السواك .
10 – القيام .
11 – الدعاء .
8 – اصلاح أو استصلاح جوارحك :
خشوع قلبك من القراّن ، بكاء عينك من الخشوع ، توقف لسانك عن كل ما يسئ ، لا تسمع أذنك الا ما يزيدك ايمانا .. مينفعش تعصى ربنا بحاجة خلقها ليك .. لازم تتوب .
9 – اصلاح قدر الدين فى قلبك :
أخطر نقطة .لازم يكون دينك اغلى عندك من حياتك ، شوف أم كلثوم بنت عتبة بن أبى معيط – رضى الله عنها – لما اّمنت ووالدها فرعون من فراعنة هدم الدين فى مكة وكتمت دينها ورفضت الزواج وهى بنت زى أى بنت نفسها تتزوج ، وهاجرت بعد صلح الحديبية ، لوحدها فى طريق كله قطاع طرق ، كانت عارفة انها ممكن ترجع / ممكن تتقتل ، لكن مهمهاش شئ الا دينها ، ونزلت فيها سورة الممتحنة ، والامتحان العظيم الى مرت بيه ، خلى بالك كل واحد فينا هيمتحن ، يا ترى هيكون دينه أغلى عنده من أى شئ ؟؟؟؟؟
لما يكون تلبية النداء لديك أغلى عندك من صفقة بمليون جنيه
ولما يكون عندك أقل قدر من الدين أغلى عندك من أعظم قدر من الدنيا ...
ساعتها ... ان شاء الله هتوصل .
10 – اصلاح قيام الليل والدعاء :
اوعى تيجى فى رمضان تلاقيك سقطت فى امتحان القراّن والقيام ، لأنك فى 11 شهر قبل رمضان نمت ، هتلاقى نفسك مش قادر تتأمل فى القراّن / مش قادر تكمل مع الامام ، كل تفكيرك امتى الامام هيخلص ما فيش خشوع ، علشان كده الحق نفسك ، قيام وصلاة ودعاء وخشوع ، قبل ما نكسف أمام نفسنا فى رمضان ....
الخطة : رمضان = قراّن وقيام ودعوة وصنائع معروف .
الواجب :
ربع قراّن بعد كل صلاة بخشوع .
مشروع حضر وصلى أو اسمع وصلى أو أقرأ وصلى .
مشروع التدريب على الصيام : بصيام الاثنين والخميس .
مشروع الأسر الفقيرة و شنط رمضان .
مشروع الدعوة الى الله – وايقاظ النائمين – توزيع خمس شرايط كل أسبوع على المكيروباصات و نشر قضية اقتراب شهر رمضان .
ليست هناك تعليقات:
إرسال تعليق